أهلا وسهلا بك إلى منتديات طموحنا.


مجموعة حلويات العيد



مجموعة حلويات العيد


صفحة 1 من 3 123 الأخيرةالأخيرة
النتائج 1 إلى 10 من 21
  1. #1
    ♥•- ادارية سابقة -•♥
    تاريخ التسجيل
    Sep 2010
    المشاركات
    2,870
    الجنس
    أنثى
    هواياتي
    المطالعة والطبخ
    شعاري
    عامل الناس بما تحب أن يعاملوك به

    افتراضي مجموعة حلويات العيد


    البقلاوة الكلاسيكية عروس الحلويات الجزائرية

    درجة حرارة الفرن:180 درجة
    المدة:من 45 د الى ساعة
    المكيال المستعمل:
    pot تاع الفلان الصغير لي ب لتر حليب تملي بيه 08 قيس السنيوة لي في الصورة تتحصلي بيها على 15 حبة بقلاوة ان قطعتيها متوسطة الحجمة وتوصلي الى 18 حبة ان قطعتيها صغيرة .

    المقادير:
    04 كيلات فرينة
    01 كيلة سمن طري
    ملعقة صغيرة فاني
    قرصة خميرة
    ماء زهر
    صفار بيضة لسنيوة صغيرة اما كبيرة تزيدى صفار
    للحشو
    03 كيلات كوكاو +عطر اللوز (دائما نفس المكيال) او لوز
    01 كيلة ماشي معمرة سكر حرش(تقدري حتى ديري نصف فقط لميحبش السكر بزاف).
    مبشور ليمونzeste de çitron
    ماء زهر
    للتعسال:
    عسل +ماء زهر
    طريقة التحضير:
    نضع الفرينة نضيف لها السمن طري وندخل مليح باليدين +
    الفاني والخميرة ونغربل الكل في غربال نيف صفار البيضة
    ونجمع بماء زهر نحصل على عجينة طرية ماهي سايلة
    ماهي يابسة نضعها في كيس بلاستيكي ونتركها ترتاح
    حوالي 1/2 ساعة.

    نحضر الحشو نرحي الكوكاو خشن+عطر اللوز +مبشور
    الليمون +ماء زهر منشمخش بزاف شوية فقط لازك
    الحشو يجي كي الرمل المشمخ.

    نجيب سنيوة ندهنها بالسمن
    ندوب السمن +قرصة خميرة باه ندهن الطبقات
    يسخن الفرن
    نجيب العجينة نحلها فوق سطح مرشوش بالنشاء ونمررها
    في الماكنة رقم 04 ثم 08 ونغطي سنيوة كامل حتى الاطراف












    وندهن بالسمن نعيد العملية 06 طبقات نفرش الحشو
    ونعادو نفس العملية نغطي ب 06 طبقات اخرى وندهن
    بالسمن

    نعقب الحلال فوق السنيوة باه يسقط الزائد من العجينة
    نقطع مقروطات بالسكين حتى اسفل السنيوةونرشق
    في كل مقروطة حبة كوكاو كاملة

    توضع في الفرن عند احمرار الحواف نشعل من الفوق
    ولي عندها فرن يشعل من الفوق والتحت تتركها حتى تحمر .

    ندوب العسل فوق النار مع ماء زهر لازم يخف شوية نعسل البقلاوة .
    عفسات خاصة بالدرس:
    1-تعمليها بالزبدة جي اخف
    2-لما ديري الزبدة طرية متخرجش ملدنة بزاف
    3-لما تستعملي ماكنة فرد العجينة جيك اسهل واوراقها
    جي شفافة

    4-لما تحلي العجينة فوق النشاء جي الاوراق مقرمشة
    5-لما ديري قرصة خميرة في سمن لي تدهني بيه
    الطبقات عند الطهي الطبقات رايحة تتفرق على بعضها
    وجي هايلة (فكرة عضوة ربي يذكرها على خير)

    6-لما تعسلي البقلاوة اتركيها تبات وغدوة انزعيها من السنيوة
    7-حضري البقلاوة بليلة قبل الطهي
    8-ارشي مليح حبة اللكوكاو داخل الطبقات واتكدي من
    دخولها هي لي تشد الطبقات ومايتفرقوش على الحشو

    9-حمصى الكوكاو في الفرن قبل ما ترحيه
    10-استعمال القرفة اختيارية



    المخبز

    هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

    درجة حرارة الفرن:150 درجة
    المدة:من 15 الى 20 دقيقة
    المكيال المستعمل:
    ل 01 كغ تتحصلي على 52 حبة تاع مخبز

    المقادير:
    250 غ كوكاو او لوز
    125 غ سكر رطب
    مبشور ليمون
    بياض بيض
    ملعقة صغيرة فاني
    للقلاصاج:
    03 بياض البيض
    1 ملعقة من عصير الليمون
    1 ملعقة صغيرة من الزيت
    5 ملاعق ك من ماء الزهر
    سكر ناعم مغربل حوالي 700 غ اذا كان حجم البيض صغير
    للديكور :
    عجينة لوز اصطناعية
    ملون وردي
    حبيبات فضية
    طريقة التحضير:
    في وعاء اخلطي اللوز او الكوكاو المرحي +
    السكر الناعم +الفانيلا +قشور الليمون ، بللي بباض البيض
    حتى تحصلي
    على عجينة متجانسة و طرية . على طاولة
    عمل نرش قليل
    من الطحين و ونشكل حربوش نقطع
    مقروطات نضعها
    في صينية مرشوشة بقليل من الفرينة
    تدخل الفرن (متوسط الحرارة 150°) مدة 15 دقيقة

    تخرج من الفرن وتترك لتبرد .
    تحضير الطلاء :
    اخفقي بياض البيض، ضفي عصير الليمون والزيت
    (الزيت يعطيه بريقا و لمعان) + ماء الزهر. أضي
    في السكر
    الناعم تدريجيا إلى أن تحصلي
    على طلاء غير سائل .

    جربي الطلاء على حبة وإن سال أضيفي السكر الناعم .
    تنشف الحبة ديري الخطوط وزيني ب زهرة مصنوعة من
    عجينة اللوز وورقة بطابع الثالث من سلسلة طوابع
    المارغريت


    ونرشق حبيبة فضية رشي الوردة باللماع الغذائي
    لوني شوية طلاء بالاخضر وضعيه في كيس اخر وحاولي
    ديري شكل ورقة تحت زهرة ديري خطوط متقاربة


    عفسات الدرس:
    -لو كانت امكانيتك محدودة يمكنك تزكي الكوكاو بكمية من
    قاتو نوع كاسكروت casse croute لي جاي حجموا
    مربعات كبار لي نشربوا بيه الحليب لي يدوب البخف
    وخلطيه من الكوكاو .

    - لي تحب الحلوى جيها كامل نفس الحجم تقطع بطابع تاع مقروطات
    -ان شفتي روحك لصقتلك العجينة وانت تخدمي فيها عاوني روحك بالفرينة
    -لما تطلي الحلوى ضعيها تقطر فوق شباك او رف الثلاجة لا معندكش باه الزايد يقطر وتتحصلي على حبة نظيفة.
    -باه نتحصل على خطوط التزيين رقيقة ناخذ كيس بلاستيكي لا كان تلقاي لي شكلوا مثلث تاع الحلوى تاع الاعراس خير ونضع فيه كمية من الطلاء نثقب الزاوية شوية فقط باه يجي لي ستري او الخطوط رفيعة .
    لما تخدمي المخبز اتركيه مدة ينشف قبل ما طيبيه عفسة فكرتني فيها اختي sabira يذكرها على خير
    -كيفية تحضير عجينة اللوز الجاهزة
    ديري الماء يغلى وحطي عجينة اللوز في اناء يحمل الحرارة
    وحطيها في وسط الكسرونة لي فيها الماء الغالي ومسي كل مرة بيدك كي تشوفيها طرات حطيها فوق سطح مرشوش بالنشاء حليها بالحلال وقصي الزهرات .
    -لما تخدمي القلاصاج اخدميه بالباتور يجيك اخف وساهل
    -باه تعرفي المخبز طاب كي الطبقة السفلى تولي وردي فاتح مالزميش يحمار باه يبقى خفيف ومجيكش يابس
    ملاحظة :
    يمكن تخدميه باي نوع من المكسرات حسب الامكانيات
    وتقطعيه اشكال كيما تبغي بالطوابع داوائر قلوب اكيد على النات رايحة تلقي عدة ديكورات للمخبز العصرية هي الاساس والقلاصاج اما الديكور كيما تبغي
    هادو هما الاكياس لي تخدمي بيهم كاين شكل مثلث احسن










    تبق الوردة
    مدة الطهي:من 10 الى 15 د
    درجة حرارة الفرن:150 د



    السنيوات المستعملة :

    شكلها شريتو كيما الصورة و ضغطت عليها في الوسط عطيتلوا الشكل المطلوب

    للعجينة
    04 كيلات فرينة
    1/2 كيلة مارغرين
    فاني
    قرصة خميرة
    ماء زهر
    صفار بيضة
    للحشو
    03 كيلات كوكاو
    01 كيلة سكر رطب
    مبشور ليمون
    بيض حسب الكمية
    نخلط الفرينة مع المارغرين+الفاني+صفار البيض ونجمع بماء زهر نترك العجينة ترتاح
    نحضر الحشو نرحي الكوكاو مع السكر+مبشور الليمون
    ونضيف البيض حتى نحصل على خليط زي تاع المسكوتشو

    نحل العجينة فوق النشاء ونعقبها في الماكنة رقم 04 ثم 06

    نملا السنيوات بعد متدهنيهم بالزبدة بالعجينة ثم نضع ملعقة من الحشو نتركها ترتاح ساعة ونطيبها في فرن نخرجها من الفرن نغطسها بالعسل ونزينها بوردة وورقة من عجينة اللوز نرش اللماع فوق الوردة
    la decoration
    هادي شكل الحلوى طابية و معسلة

    1- نصنع الوردة
    01

    02


    03


    2- نصنع الورقة بطابع ورقة من عجينة اللوز الخضراء
    عفسات الدرس:
    -لما ديري الحشو في المول اتركيها من ساعة الى ساعة ونصف باه كي ديرها في الفرن نتفخ وتمد شكل رائع
    -لازم الحلوى تخافظ على لونها وتحمارش
    -استعملي الزبدة طرية باه متخرجيش ليدام وانت تخدمي فيها
    -حلي العجينة فوق النشاء باه جي واقفة كي طيب
    -لكي تلصق الوردة اثقبي الحشو بعود اسنان ودخلي الوردة

    الصور المصغرة للصور المرفقة







    براسليات بالطلية
    درجة حرارة الفرن: 160 درجة
    مدة الطهي : من 15 الى 20 دقيقة



    مكونات العجينة :
    3 مقادير من الطحين
    1 مقدارمن السمن (طري)
    ملعقة كبيرة من السكر الرطب
    ملعقة من عطر الفانيليا
    ماء زهر
    للحشو :
    3 مقادير اللوز
    1 مقدار من السكر
    مبشور الليمون
    ماء زهر
    الطلاء
    2 بياض بيض
    ملعقة كبيرة عصير ليمون
    ملعقة كبيرة ماء زهر
    سكر رطب
    ملون غذائي
    ملعقة صغيرة زيت
    *نحضر العجينة
    بخلط السمن مع الفرينة و السكر و الفانيليا ونجمع بماء زهر ونتركها ترتاح.
    نرحي اللوز مع السكر +قطرات عطر الليمون و نجمع بالبيض
    حلي العجينة شكلي مستطيل عرضه حوالي 08 سم وضعي الحشو على شكل حربوش ولفي العجينة حول الحشو لي تحصلي على اصبع .نشق طرفي الاصبع
    نجمع طرفي الصبع لتشكيل الاسورة تطهي في فرن معتدل
    تحضير الطلاء
    *نحضر الطلاء بخفق بياض البيض مع عصير الليمون و ماء زهر ثم نضيف السكر بدون التوقف على الخفق +الزيت حتى الحصول على طلاء لا يسيل +الملون قليل فقط وردي.
    الديكور:
    لما تقلاصي الاسورة قصي زهرة مارغريت حجم كبير من عجينة اللوز البيضاء ولصقيها في الوسط وبواسطة ملعقة صغية عمري وسط الزهرة بلماع متعدد الالوان ورشي بريشة الوردة كاملة .
    هادو هما طوابع المارغريش استعملي لكبير فيهم

    عفسات الدرس
    *باه يجوك الحبات بنفس الحجم لما تلفي السوار لفيه حول غلاق قارورة ماء شرب واقطعي زائد.
    *جربي الطلاء فوق الحلوى كان سال ومشدش فوق الحلوى زيدي السكر كان جا تقيل زيدى عصير ليمون.
    *باه يجي القلاصاج يلمع اغطسي اسفنجة في اللماع الابيض
    وامسحي الحلوى.
    *لما تزيدي شوية خميرة حلوى في الحشو وقليل من الزبدة يجي طري .




    الصور المصغرة للصور المرفقة



    تشاراك السكر

    درجة حرارة الفرن:160 درجة
    المدة:20 دقيقة
    للعجينة
    03 كيلات فرينة
    كيلة خليط سمن وزبدة
    ملعقة صغيرة فاني
    ماء زهر

    1/2 باكي خميرة
    للحشو
    03 كيلات لوز
    01 كيلة سكر عادي
    مبشور ليمون
    ماء زهر
    للقلاصاج:
    سكر رطب
    سيرو (02 كيسان ماء +كاس سكر +طرف قارص اتركيه يعقد على نار هادئة)
    نخلط الفرينة مع لدان جيدا +الفاني +والخميرة ونجمع بماء زهر نترك العجينة ترتاح
    الحشو
    نرحي اللوز مع السكر +مبشور ليمون ونجمع بماء زهر


    حلي العجينة واقطعي دوائر


    ضعي حربوش حشو فوق الدائرة
    اغلقي على 02
    لفي لاعطاء شكل قرن
    يطهى في فرن متوسط
    عفسات الدرس
    -ديري قرصة خميرة للحشو وطرف زبدة يجي طري
    السر في نجاح تشاراك السكر هو القلاصاج او التغبار
    -لازم الحلوى باردة جدا والسيرو بارد
    -نضع الحبة في السيرو ننزعها ونضعها في السكر (يوضع السكر المغربل في كيس بلاستكي) نغمرها بالسكر و ننزعها بلطف ونحطها في كف اليد وننزع بكف اليد الاخرى الزائد شغول نملسوا السطح في نفس الوقت نحو الزائد
    -نخلوا الحلوى تنشف لعدة ساعات حتى يتشرب اليرو الطبقة الاولى تاع السكر نعاود نفس العملية للمرة الثانية
    -عند التقديم نعمر مصفاة تاع حليب بالسكر ونرش فوق الحلوى كلمسة اخيرة يخرج زي الثلج جربوا وادعولي.




    الصور المصغرة للصور المرفقة




    درجة حرارة الفرن :160 درجة
    مدة الطهي:من 10 الى 15 دقيقة

    للعجينة
    04 كيلات فرينة
    01 كيلة زبدة طرية
    قرصة فاني
    ماء زهر لجمع العجينة
    للحشو
    03 كيلات كوكاو
    كيلة ماشي معمرة سكر عادي
    مبشور ليمون
    بيض لجمع العجينة
    للتزيين
    خليط عسل وماء زهر
    -نخلط الفرينة مع الزبدة الطرية +قرصة فاني ونجمع بماء زهر ونترك العجينة ترتاح مدة في كيس بلاستيكي
    -نحضر الحشو نرحي الكوكاو مع السكر +مبشور الليمون ونجمع بالبيض
    نحصل على حشو كي العجينة لي نقدرو نكوروه.

    بهذه المقادير نقدرو نعملوا عدة انواع حلوى

    1- الدزيريات
    -نحل العجينة فوق النشاء ونمررها في الماكنة على الرقم 04 ثم07
    -نقطع دوائر ندهن كل دائرة بباض البيض نضع كورة حشو فوق دائرة وبواسطة عود تاع حلوى كوجاك نديري طيات ونرفع العجينة حول الحشو




    وهاكذا نتحصلوا على دزيريات بسيطة تقليدية نزينها بحبيبات فضية او حبة لوز نطيبوها في فرن ونعسلوها وهادا الشكل النهائي

    دزيريات عصرية
    دزيريات النخلة
    نفس العجينة نضيف الملون لماء زهر لاعطاء اللون
    نتبع نفس الخطوات لي عملنا بيهم الدزيريات العادية
    الديكور
    نقطع 03 مارغريت بالطابع هادا
    ندهن الحبة ببياض البيض ونلصق الزهرة الكبيرة ثم ندهن وندير المتوسطة واخيرا الصغيرة ثم نرشق حبة لةز او كوكاو مليح في الوسط نطيبها في الفرن ونعسلها ونرش اللماع
    الغذائي وتقدري ديري ديري 02 الوان ابيض ووردي
    عفسة الدزيريات
    1-ندهن الدائرة ببياض البيض باه تطلع مع الحشو وجي واقفة
    2- نستعمل الماكنة باه جي العجينة مقرمشة
    3- كي نحل العجينة فوق النشاء ماجيش معجنة
    4-نلصق الزهرات بببياض البيض باه ميطيروش وقت طياب
    5- نغطيها ببلاسيتك ونتركها ترتاح مدة تقدري حتى ليلة كاملة قبل الطهي تشد لا فورم مليح
    6-مالزمش تتحمر لازم تحافظ على لونها
    7-تغطس في العسل الدافء وهيا سخونة باه الحشو يجي معسل والعجينة الفوقانية جي ناشفة وهادا سر الدزيريات



    الصور المصغرة للصور المرفقة



    1-قاتو حلوة الترك

    للعجينة
    500 غ مارغرين

    01 كيلو فرينة
    كاس سكر ناعم
    علبة ونصف حلوة ترك

    02 خميرة كمائية
    للتزين
    كاس مربى
    علبة حلوة ترك
    كاسان كوكاو
    التحضير
    نخدم الزبدة مع السكر كي الكريمة +حلوة الترك+الخميرة ونضيف الفرينة نشكل اصابع ويطهي في فرن متوسط
    لما يبرد نخلط المعجون وحلوة الترك نرمد الحلوى فيه ونلبي بالكوكاو خشن






    بنيــــــــــــــــــــــ ـــــ ــــــــــــــــــــــون


    02 علب بيمو
    كأس كوكاو مرحي
    علبة حلوة الترك
    زبدة
    شكولا سوداء
    شكولا بيضاء
    شوكي لي زي نوتيلا مي هي تاع بلادنا ماهيش غالية
    نرحي البيمو +الكوكاو مرحي +حلوة الترك
    ونجمع بالزبدة المذابة حتى الحصول على عجينة
    نأخذ كرية من الخليط نضع ملعقة صغيرة شوكي
    ونغلق ونلفها نضعها في الثلاجة حتى تتماسك
    نذيب الشوكا مع قليل من الحليب والزبدة +شوية كاكاو على حمام مريم وقطرة زيت وملعقة ماء بارد جدا
    نغطس الحبات في الشكولا ونزينها بخطوط شكولا بيضاء
    ملاحظة :يمكن بعد ما تغطسيها في الشكولا تزينها باي نوع من المكسرات لي عندك او شكولا فرميسال تطلع هايلة
    حلوى المورينغ
    250 غ مارغرين
    02 مغارف سكر رطب
    مغرفة صغيرة خميرة
    مغرفة نشاء
    02 صفار بيض
    فرينة لجمع العجينة
    للديكور
    مورينع
    04 بياض بيض
    سكر رطب حوالي 700 غ ان كان البيض حجمه صغير
    -معجون
    -قوفريط كروستي ذوق شكولا
    نخدم الزبدة مع السكر+صفار البيض +النشاء +الخميرة ونجمع بالفرينة نترك العجينة ترتاح
    نحضر مورينغ :نخفق بياض البيض مع السكر حتى نحصل على مورينغ طالع ويلصق ميسيلش
    نحل العجينة ونقطع دوائر ندهن كل دائرة بشوية معجون
    غلفي السطح بالمورينغ وطيبيهم في فرن خفيف
    لصقي 02 ب 02 بالمعجون وديري في الحواف القوفريط المرحي

    حلوى النسيلي


    هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 1294×971.
    للعجينة
    250 غ زبدة
    250 غ سكر رطب
    vanille
    500 غ فرينة
    مغرفة صغيرة خميرة
    2 بيضات
    الحشو:
    نيسلي
    التزين
    شكولاطة سوداء
    مربى
    جوز هند
    pistache
    تخدمي الزبدة مع السكر +البيض +مغرفة صغيرة فاني و في الاخير +الخميرة و الفرينة تتحصلي على عجينة ديريها في كيس بلاستيكي و خليها ترتاح.
    بعد ما ترتاح حليها و ديرها في قوالب القنديلات بعد ما ترشيهم بالفرينة اثقبي شوية بعود الاسنان و حطيهم في ثلاجة 1/4 ساعة
    اطهيهم في فرن متوسط
    حضري الحشو حضري نسلي في كوكوت كي يبرد
    ادهني الاطرف بالمربى و رشيهم بجوز الهند
    احشي الحلوة وحطي فوق كل قطعة ملعقة تاع شكولاطة ذايبة وذري بيستاش

    كورات الشكولاطة

    للعجينة:
    500 غ فرينة
    250 غ زبدة
    125 غ سكر رطب
    2 بيضات
    50 غ كاكاو
    باكي خميرة
    للتزين
    شكولاطة بيضاء و سوداء
    التحضير
    اخدمي الزبدة مع السكر +البيض و الكاكاو+الخميرة و الفرينة
    شكلي كراي صغيرة و طيبها في الفرن
    اقلسيها بالشكولا و زينيها بخطوط الشكولا البيضاء

    لي سابلي بالمعجون
    المقادير :
    500غ زبدة طرية
    07 مغارف كبار سكر ناعم
    07 مغارف عسل
    2 بيض
    مغرفة صغيرة فانيلا
    02 خميرة حلوى
    فرينة حسب الحاجة
    1/2 علبة نشاء تقريبا 50 غ
    للتزيين :
    كيما تبغي تحبي بسكر قلاصي من الفوق او المكسرات على الحواف او تغطسي الوجه في المربى وجوز الهند
    طريقة التحضير :
    امزجي المرغرين و السكر والفانيلا اخدمي جيدا حتى يصبح مثل البوماد ثم اضيفى البيض وامزجي ثم ضفي النشا واخلطي جيدا ثم ضفي الفرينة ورشة الخميرة حتى تتحصلي على عجينة طرية و ملساء حلي العجينة ، قطعيها بقوالب مخصصة لها ، صفيها في صينية مرشوشة بالفرينة وادخليها الفرن حتى تنضج دون تغيير لون وجهها
    بعد أن تبرد الصقي كل قطعتين مع بعض بالمعجون وزيني حيب الرغبة المهم القاتو سابلي يجي خفيف

    المقروط
    03 كيلات سميد متوسط sim
    01 كيلة سمن دائب
    شوية ملح باه ميجيش صامط
    كيلة خليط ماء وماء زهر
    نخلط جيد الدقيق مع السمن باليد +كمية الملح ونبدى نضيف في كمية الماء وماء زهر حتى يتشمخ
    تشكليه باه يطيب مليح كي جي تستفيه في البلاتوا لصقيهم في بعضهم مليح باه تغطي كامل الغرس وميتحرقش طيبيه في فرن 180د لما يحمار على الجوانب بعد حوالي 30 دقيقة شعلى من الفوق ان كان الفرن لي يشعل من فوق اما العسل ديري عسل المرجان يمدلك حلاوة هايلة للمقروط

    هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 555×444.
    قلاصاج الشكولا
    علبة شكولاطة
    شوية حليب
    شوية زيت
    مغرفة صغيرة كاكاو
    ذوبي الشكولاطة على حمام ماري كي ذوب زيدي شوية حليب +كاكاو +زيت
    وهكذا القلاصاج واجد .
    نصائح:
    1-الكاكاو يمد لون اسود هايل للقلاصاج
    2-الزيت يمد بريق للقلاصاج
    3-الحليب يساعد على ذوبان الشكولاطة مي ما تكثريش مانو باش ما يجيش قلاصاج سائل
    4-جربي حبة حلوي اغطسيها في القلاصاج لا تكسرت معنى القلصاج ثقيل خفيه بشوية حليب اما اذا ساح القلصاج معناه القلصاج خفيف ثقليه بشوية كاكاو.
    5-في فصل الشتاء القلاصاج ينشف بالخف لا كان نشفلك قبل ما تمكلي الحلوى رجعيه فوق حمام ماري حتى تكملي الكمية .
    6- لما تغطسي الحلوى في القلاصاج ماتحطيهاش مباشرة فوق سنية من بعد رايحة جيك صعيبة تنحيها من الاحسن تحطيها فوق مشبك او شباك مثلا رف الثلاجة و هكذا زائد الشولاطة يسيل و تبقالك حبة نظيفة .
    7-حمام ماري يعني تحطي الشكولاطة في صحن فوق كسرونة تع ماء يغلي فوق النار
    بنيون بالنيستلي
    المقادير:
    8علب بسكوي طوم+2 علب كبار قوفريط+1كلغ ونصف حلوة الترك+3 كلغ شوكولا سوداء.
    تزين الوجه:
    5 علب حليب نيستلي+انصاف الجوز+شوكولا سوداء.
    التحضير:
    نرحي القاتو والقوفريط وحلوة الترك ونبلهم كامل بالشوكولا ذائبة وباردة ونبسطها في بلاتو كبير تاع الكوشة طوله 1م ونغلي النيستلي 4ساعات ونفرغو على سطح القاتو وبعد ساعات يقطع مربعات ونزين بالشوكولا خطوط ونضع نصف جوزة في الوسط.
    قاتو russe
    250غ مارغارين

    كاس ماشي معمر بزاف سكر رطب
    150 غ نشاء 04 مغارف كبار كاكاو
    09 مغارف كبار عسل
    باكي خميرة
    للحشو
    03 كسيان كاكاو
    03 كيسان ونصف سكر رطب
    كاس حليب غبرة
    200 غ مارغرين
    فاني ماء
    الزبدة+السكر+العسل +الكاكاو +النشاء والخميرة وتلمي بالنشاء
    نديرهم بطابع لي درتي الصورة تاعو طيبيهم
    الكريمة
    فوق النار خلطي السكر و الكاكاو والحليب +الفاني شوية ماء وخلطي +الزبدة تتحصلي على كريمة عاقدة لصقي بها 02 ب 02 لى الحواف ديري واش تحبي نواى دو كوكو او قوفريط



    منقول للفائدة
    5 من الأعضاء مٌعجبين بهذه المشاركة: نور المحبة,بنت الأحرار,محبة للخير,كنزة احلام,الزهرة البيضة



  2. # ADS
    Circuit advertisement
    تاريخ التسجيل
    Always
    المشاركات
    Many
     

  3. #2

    تاريخ التسجيل
    Apr 2013
    المشاركات
    12
    الجنس
    أنثى
    وظيفتي
    تلميذ
    هواياتي
    الرسم و القراءة
    شعاري
    لايؤمن احدكم حتى يحب لاخيه مايحب لنفسه

    افتراضي رد: مجموعة حلويات العيد

    الله الله على جمااال الحلويااااااااااااااااااا اااااات
    الأعضاء المٌعجبين بهذه المشاركة: imeneimene04

  4. #3

    تاريخ التسجيل
    Mar 2013
    العمر
    22
    المشاركات
    674
    الجنس
    أنثى

    افتراضي رد: مجموعة حلويات العيد


  5. #4

    تاريخ التسجيل
    Jul 2013
    العمر
    22
    المشاركات
    1,409
    الجنس
    أنثى
    وظيفتي
    طالبة
    هواياتي
    المطالعة
    شعاري
    من جد وجد ومن زرع حصد

    افتراضي رد: مجموعة حلويات العيد


  6. #5

    تاريخ التسجيل
    May 2013
    العمر
    17
    المشاركات
    357
    الجنس
    أنثى
    وظيفتي
    طالبة 2 ثانوي
    هواياتي
    الرسم
    شعاري
    ما اجمل ان تبتسم عندما يظن الاخرين انك سوف تبكي

    افتراضي رد: مجموعة حلويات العيد

    يعطيك العافية كفيت ووفيت



  7. #6
    ♥•- مشرفة سابقة -•♥
    تاريخ التسجيل
    Feb 2013
    المشاركات
    6,065
    الجنس
    أنثى
    وظيفتي
    مهندسة معمارية في طور الانجاز

    افتراضي رد: مجموعة حلويات العيد

































































  8. #7

    افتراضي رد: مجموعة حلويات العيد



    اللهم إجعل القرآن ربيع قلوبنا

  9. #8

    تاريخ التسجيل
    Oct 2013
    المشاركات
    3
    الجنس
    ذكر

    افتراضي رد: مجموعة حلويات العيد

    بارك الله فيك اتحفتينا بهده الحلويات كما نرجوا منك المزيد

  10. #9

    تاريخ التسجيل
    Jun 2013
    المشاركات
    1,572
    الجنس
    أنثى
    وظيفتي
    طالبة جامعية
    هواياتي
    الرسم. المطالعة و حب الاستطلاع
    شعاري
    نعيب زماننا و العيب فينا و ما لزماننا عيب سوانا

    افتراضي رد: مجموعة حلويات العيد

    شهية يعطيك الصحة و تسلم ايديك




  11. #10
    ♥•- الإدارة -•♥
    تاريخ التسجيل
    Feb 2011
    المشاركات
    4,529
    الجنس
    أنثى

    افتراضي رد: مجموعة حلويات العيد

    يعطيك الصحة اختي أمينة على هذه الكيفيات







 

 
صفحة 1 من 3 123 الأخيرةالأخيرة

المواضيع المتشابهه

  1. حلويات العيد
    بواسطة ايلاف في المنتدى مائدة طموحنا
    مشاركات: 8
    آخر مشاركة: 24-07-2014, 11:19
  2. حلويات العيد
    بواسطة Amina♥nina♥ في المنتدى حلويات طموحنا
    مشاركات: 5
    آخر مشاركة: 22-07-2014, 17:33
  3. مجموعة من صور حلويات العيد لاخد افكار
    بواسطة imeneimene04 في المنتدى حلويات طموحنا
    مشاركات: 2
    آخر مشاركة: 01-08-2013, 18:14

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •